نعت الفنانة نجوى كرم الضحايا الذين سقطوا في انفجار بيروت ووجّهت رسالة صوتية لجميع زعماء لبنان ومسؤوليه في النكبة التي تعيشها بيروت ولبنان بأكمله وفي ظل الكارثة الإنسانية والوطنية جراء الانفجار الذي هزّ مرفأ بيروت التجاري وأدى إلى دمار شامل في وسط العاصمة وضواحيها وأسفر عن مئات الشهداء وآلاف الجرحى.
وجاء في رسالة كرم للسياسيين:
"دبحتونا ودبحتوا البلد متل كأنوا ما صار شي!!
طفيتوا أحلامنا والبكرا تبعنا، ومتل كأنوا ما صار شي!!
هجرتوا ولادنا وأدمغتنا ومتل كأنوا ما صار شي!!
نهبتونا وسرقتونا وفلستونا ومتل كأنوا ما صار شي!!
وقال شو وبكل وقاحة قالولنا بكرا بيتعودوا.. يعودكن العمى أقل شي..
مش ملككن نحنا، ولا محط تجاربكن، وحقل لتحقيق أمنياتكن، لك لازم ثورة تفوت ع بيوتكن تا تحسسكن بللي عم نحسوا، هيدا إذا كان عندكن أساس يا أولاد الأفاعي.
شغلتوا فينا المستشفيات وأطباء النفس، خليتونا ميتين ونحنا أحياء يا بلا وجدان.
بدلتوا ريحة الطيون والزعتر بريحة جتت ولادنا
ولك روحوا انقبروا فلوا.. صاير ومكتر، بس كأنوا الدني عم تشتي..
كيف قادرين تستخفوا فينا، وبعقولنا وبأرواحنا..
إذا انتوا مش فاهمين مصيبة وإذا مش فاهمين مصيبة أكبر".